What is love?

2025-08-14

មនុស្សពីក្រោយខ្នង?

មនុស្សម្នាក់នោះដែលខ្ញុំបានចាប់អារម្មណ៍គាត់តាំងពីលើកដំបូងហើយក៏បានតាំងចិត្តតបig storyរបស់គាត់ អារម្មណ៌ពេលលេងជាមួយគ្នាដំបូងសប្បាយណាស់រហូតដល់ពេលមួយមានអារម្មណ៌ថាខ្លួនឯងលង់ស្រលាញ់គេមែនទែនហើយ គេជាមនុស្សល្អ ហ្មត់ចត់ក្នុងការងារ ចេះជួយយកអាសារអ្នកដទៃ ចូលចិត្តផ្ដល់ដំបូន្មានល្អៗដល់មនុស្សជុំវិញខ្លួន ចូលចិត្តនិយាយលើកទឹកចិត្តអ្នកដទៃ ខ្ញុំក៏បានសាកសួរគេលេងៗថាគេមានម្ចាស់នៅ គេថាគេគ្មានទេគេទៅណាក៏តែឯងៗដែរ ខ្ញុំក៏ព្រមជឿគេ ហើយថ្ងៃមួយគេប្រាប់ថាគេនៅគេងម្នាក់ឯងនៅក្រៅអផ្សុកណាស់ តែដោយសារខ្ញុំជាមនុស្សមិនអាចដើរចេញយប់ជ្រៅបាន ក៏តែងតែបដិសេដគរហូតជាពីរទៅបីដង មានអារម្មណ៍ថាតូចចិត្តណាស់មិនបានជួបគេ ពេលគេហៅជួបចំតែពេលភ្លៀងទៀត មិនរលូនសោះៗ រហូតដល់យប់មួយដែលគេប្រាប់ថាស្អែកគេទៅគេងហ្នឹងទៀតហើយ ខ្ញុំក៏សួរខ្លួនឯងគួរ break the rule យប់ស្អែកដើម្បីនៅក្បែរគេអត់? គេតែងប្រាប់ថានៅក្បែរទ្រូងគេហើយក្នុងរង្វង់ដៃគេកក់ក្ដៅណាស់ ក៏ចង់សាកដែរដូចគេយាយមែនអត់ និយាយត្រូវគ្នាខ្ញុំក៏ព្រមទៅជួបគេពេលថ្ងៃ ជួបគេដំបូងភ័យណាស់ ព្រោះគេកំពុងធ្វើការ មិនហ៊ាននិយាយអីច្រើនទេបានត្រឹមតែអង្គុយមើលគេធ្វើការពេលគេធ្វើការចប់គេក៏សួរថាមកហ្នឹងប្រាបអ្នកផ្ទះថាម៉េច ក៏ប្រាប់គេតាមត្រង់ថាអត់ទាន់បានសុំទេ បន្ទាប់មកក៏បានខលមកសុំអ្នកផ្ទះតែអ្នកផ្ទះមិនព្រមទេ មុនចេញបានអោបគេហើយប្រាប់គេថាចង់ចំណាយពេលយប់នេះនៅក្បែរគេ ពិតជាកក់ក្ដៅមែនពេលគេអោបយើងយ៉ាងណែនហើយអង្អែលក្បាលយើងប្រាប់ថាកុំគិតច្រើនចាំព្រឹកស្អែកចាំជួបគ្នាក៏បាន បន្ទាប់មកគេក៏បាន order Koi អោយមួយកែវមុនចេញមកផ្ទះវិញ ជិះតាមផ្លូវអារម្មណ៍មិនមូលទេ ក៏បានសម្រេចចិត្តជិះបកទៅវិញពេលមកដល់ផ្ទះភ្លាម ទៅដល់វិញគេដឹងថាខ្ញុំប្រាកដជាអត់ស្ដាប់តាមអ្នកផ្ទះទេគេក៏ខឹង មិនហ៊ាននិយាយអីទេព្រោះចឹងមែន ក៏បានអង្គុយមើលគេធ្វើការបន្ដ ពេលគេធ្វើការគឺហ្មត់ចត់ណាស់កាន់តែមើលកាន់តែលង់ ក៏បានមើលគេ rehearsal សម្រាប់ presentation របស់គេថ្ងៃស្អែក។ ពេលគេ rehearsal, ពួកយើងក៏បានគេង ពេលគេងក្នុងដៃគេហេតុអីមានអារម្មណ៍ថាកក់ក្ដៅម៉េស? នេះរឺលើកទីមួយគេងក្នុងដៃមនុស្សដែលខ្លួនស្រលាញ់? ពិតជាកក់ក្ដៅហើយមានសេចក្ដីសុខខ្លាំងបំផុត ពេលនៅក្នុងរង្វង់ដៃគេហើយគេអង្អែលក្បាលយើងថ្នមៗ ពេលនោះហើយគិតថាសម្រេចចិត្តត្រូវដែលបានមកជួបគេ។ ពេលព្រឹកស្អែកបានមកដល់មុនពេលចេញមកវិញ សុំគេអោបម្ដងទៀតព្រោះមិនចង់ទៅសោះពេលអោបនោះអារម្មណ៍ក្ដុកក្ដួលណាស់ព្រោះមានអារម្មណ៍ថាលឿនខ្លាំង។ មួយអាទិត្យក្រោយមកក៏បានជួបគេម្ដងទៀត ទៅញាំអីមួយគ្នា អារម្មណ៍នៅតែដដែលព្រោះដឹងថាខ្លួននឹកគេ។ រហូតដល់ថ្ងៃមួយគេប្រាប់ថាគេកំពុងនៅជាមួយសង្សារគេ បេះដូងខ្ញុំធ្លាក់ដល់បាតពេលគេយាយចឹង តែក៏ខំទប់អារម្មណ៍ហើយនិយាយជាមួយគេថាមិនអីទេ ខ្ញុំក៏ដឹងថាគេមិនដែលនិយាយពាក្យថាស្រលាញ់ខ្ញុំម្ដងណាឡើយគេទុកត្រឹមជាប្អូនគេប៉ុណ្ណោះ។ ដល់ថ្ងៃសែនលោកខែបានបន់ថាចង់ជួបគេឆាប់ៗនេះព្រោះនឹកគេណាស់ រហូតដល់ថ្ងៃមួយគេក៏បានហៅទៅទៀតព្រោះគេនៅម្នាក់ឯង។ អារម្មណ៍មនុស្សស្រលាញ់គេធ្វើអីកើត បើចង់ជួបគេសឹងអី ក៏បានចេញទៅជួបគេនៅយប់នោះ។ អ្វីៗគ្រប់យ៉ាងគឺនៅដូចដើមសម្រាប់ខ្ញុំអារម្មណ៍ពេលបានគេងក្នុងរង្វង់ដៃនឹងដើមទ្រូងដ៏កក់ក្ដៅរបស់គេ ដូចនៅផ្ទះចឹងស្ងប់ល្អណាស់។ យប់នោះជាយប់ដែលខ្ញុំមិនគេងសោះ នៅសម្លឹងមើលមុខពេលគេគេងលក់ នៅលេងសក់ នៅមើលមុខគេទាំងស្រណោះខ្លួន ថាហេតុអីបានលង់ស្រលាញ់គេដល់ថ្នាក់ហ្នឹង។ ពេលព្រឹកក៏មកដល់ជាពេលដែលខ្ញុំស្អប់បំផុតព្រោះត្រូវឆ្ងាយពីគេទៀតហើយ មុនពេល check out ក៏បានសុំ special request ពីគេមួយគឺអោបគេយ៉ាងពេញដៃ អោបគេតឹងណាស់ ទឹកភ្នែកក៏ស្រក់មកតែមិនបានអោយគេឃើញទេសុខចិត្តលេបយកទៅវិញ ព្រោះគេប្រាប់ថាធំហើយកុំទន់ជ្រាយ ត្រូវចេះរឹងមាំ។ ក្នុងបេះដូងនេះឈឺណាស់ព្រោះពេលវេលាចំណាយជាមួយគេមានអារម្មណ៍ថាលឿន នៅក្បែរគេ គេផ្ដល់ដំបូន្មានល្អៗ បទពិសោធជីវិតរបស់គេ ហូរហែ គេមិនដែលសម្ដីមាត់តូចមាត់ធំដាក់មានតែភាពកក់ក្ដៅ។ កន្លងប្រហែលជា 2 3 អាទិត្យក៏បានជួបគេចៃដន្យនៅក្រៅ មានអារម្មណ៍ថាខ្យល់បក់គេអោយមកជួបយើងម្ដងលើកនេះ ក៏បានអង្គុយនិយាយជាមួយគេ ទាំងដែលគេកំពុងធ្វើការ ពិតជាសប្បាយចិត្តណាស់ រហូតដល់ព្រឹកស្អែក ក៏គេបានប្លុកខ្ញុំចោលទាំងគ្រប់ social media ដោយខ្ញុំបានធ្វើរឿងមួយដែលគេមិនចូលចិត្ត គេប្រើពាក្យថាដោះលែងគេទៅគេសុំ គ្រាន់តែលឺពាក្យនេះបេះដូងខ្ញុំចុកខ្លាំងណាស់ ក៏បានសុំទោសគេយ៉ាងយូរទាល់តែគេ unblock គ្រប់យ៉ាងវិញ ក្នុងពេលនេះម៉ោងនេះទំព័រជីវិតគេលែងមានខ្ញុំដូចពីមុនហើយ ខ្ញុំក៏ដឹងថាខ្លួនត្រឹមជាអ្វីសម្រាប់គេ តែក៏នៅតែមានចិត្តស្រលាញ់គេដដែលមិនដែលគិតស្ដាយក្រោយឡើយ ចុងក្រោយមនុស្សម្នាក់នេះមានតែពាក្យថាអរគុណហ៊ាដែលបានផ្ដល់នូវអនុស្សាវរីយកន្លងមកនេះសម្រាប់មនុស្សម្នាក់នេះ ទោះបីហ៊ាស្អប់ម្នាក់នេះយ៉ាងម៉េចល៏ដោយក៏ម្នាក់នេះគ្មានកូនចិត្តស្អប់ហ៊ា ខឹង ចង់សងសឹកគំនុំគំគួនអីសម្រាប់ហ៊ាឡើយ មានតែចិត្តនៅដូចដើម សម្រាប់ហ៊ា បារម្ភ ស្រលាញ់ ហើយចាំមើលភាពជោគជ័យក្នុងជីវិតហ៊ាដូចដែលហ៊ាតែងតែប្រាប់ខ្ញុំ ទោះបីហ៊ាមិនដូចដើម ម្នាក់នេះសុំរក្សាចិត្តហើយបេះដូងដែលមានសម្រាប់ហ៊ាដដែលនៅតែចាំស្ដាប់ហ៊ាពេលហ៊ាពិបាកចិត្ត ចាំលើកទឹកចិត្តហ៊ា ចាំធ្វើជាធុងសម្រាមសម្រាប់ហ៊ាជានិច្ច ចង់ប្រាប់ហ៊ាថាខ្ញុំស្រលាញ់ហ៊ាខ្លាំងបំផុត ទោះទឹកភ្នែកម្នាក់នេះហូរក្លាយជាឈាមដោយសារហ៊ាក៏ម្នាក់នេះព្រមទទួល ព្រមគ្រប់យ៉ាងដើម្បីបាននៅក្បែរហ៊ាត្រឹមមួយនាទីក៏ម្នាក់នេះព្រមទទួលដែរ ពីមនុស្សពីក្រោយខ្នងហ៊ា ps: am a boy, hes a man

Recommended Posts

Because of her previous love makes her doesn't want to engage with love again.

មនុស្សពីក្រោយខ្នង?

Better

To all the girls who are hating their body

I wish it were possible

I don't like my boyfriend.

Dear S_Tep

Freedom